"Huawei" така стана првиот произведувач на паметни телефони со функција за сателитска комуникација, со што ги претекнал другите произведувачи кои работат на тоа.
"Huawei" одржал премиера на своите нови паметни мобилни уреди во Кина - серија "Mate 50".
Иако во текот на претставување посебен акцент е ставен на фактот дека "Mate 50" серијата, прва на светот, носи варијабилен отвор на леќите од 10 нивоа во составот на фотографиите на паметниот телефон и иновативно технолошко решение за камерите на паметните телефони - "XMAGE", можеби уште поинтересна вест е дека "Mate 50" серијата ќе има можност за спојување на сателитска телефонија.
На тој начин "Huawei" се обидел да ги заобиколи ограничувањата на спојување на 5G технологијата кои со ставањето на црната листа му се наметнати од САД.
Како што е истакнато во текот на претставувањето, "Mate 50" серијата ќе им овозможи на корисниците праќање на кратки пораки и мапирање на рутите со помош на кинескиот "BeiDou" навигациски состав на сателити. Станува збор за кинеска верзија на "GPS". Кинески "BeiDou" уште во 2020-та година остварил покриеност на целиот свет, со што застанал рамо до рамо со "GPS", но и другите глобални состави како што е руски "GLONASS", европски "Galileo" или индиски "IRNSS".
Интересно, "Huawei" на тој начин станал првиот голем произведувач на паметни телефони со функција за сателитска комуникација, со што ги претекнал другите произведувачи кои работат на тоа. Потсетуваме, на минатонеделниот саем "IFA 2022" во Берлин, директорот на "Qualcomm" ја претставил последната генерација на нивниот "Snapdragon 8+ Gen 1" мобилен чипсет кој има токму такви, сателитски можност. Тој чипсет, во верзија 4G, ќе го има и новиот "Huawei Mate 50".
Од останатите интересни работи, треба да се истакне новата верзија на мобилниот оперативен состав на "Huawei", "Harmony OC". Една од поинтересните карактеристики е паметната опција текст-во-глас, која им овозможува на корисниците да одговорат на телефонски повик со "типкање" на одговорот.
Од "Huawei" истакнале и дека посебно внимание посветиле на издржливоста на уредот. Така развиле сопствено стакло "Кунлун" кое е составено од нанокристали, со кое отпорноста на уредот на падови е зголемена за 10 пати.
Моментално не е познато дали и кога овој уред ќе биде достапен во Европа. Од "Huawei" порачале дека прво ќе биде регионално претставен, додека почетокот на продажбата и цената на уредот ќе бидат познати оваа есен.
