Фудбалерот на Манчестер Сити, Бенџамин Менди ги силувал жените во заклучени "сигурни соби" во својата изолирана вила од која верувале дека не можат да побегнат, било кажано на суд.
Францускиот репрезентативец ги злоупотребил своите богатство и слава за да ги намами жените во својот дом во Чешајр и ги силувал кога ќе го одбиеле или биле премногу пијани за свесно да расудуваат, било кажано денеска на судењето во Честер.
На суд било кажано и дека пронаоѓал многу жени во ноќни клубови во Манчестер и често со помош на својот пријател, 41-годишниот Луис Саха Матуире, на кого исто така му се суди за повеќекратно силување и сексуални напади.
Двајцата се обвинети за покажување на бесчувствителна рамнодушност кон 13 млади жени кои наводно ги нападне. Сексуалното освојување на младите жени им станало игра, било кажано на суд.
Manchester City player Benjamin Mendy raped women inside locked 'panic rooms' in his isolated mansion from which they believed they could not escape, a court has heard https://t.co/pimiKHSouW
— Guardian sport (@guardian_sport) August 15, 2022
Отворајќи го случајот, обвинителот Тимоти Креј и кажал на поротата дека Менди бил прилично познат фудбалер во време на злосторствата.
„Имаше договор со Манчестер Сити и беше освојувач на Светското првенство со Франција. А овие денови славата привлекува внимание. Славата носи и пари. И поради тоа, богатството и статусот на Менди, други биле подготвени да му помогнат да добие тоа што го сака“, рекол Креј.
Една од работите на Саха била да пронаоѓа млади жени и да создаде ситуации во кои тие би можеле да бидат силувани или сексуално нападнати, додал Креј.