Едноставен рецепт кој воодушеви многумина, додека пак Италијанците ова видео го окарактеризирале како сквернавење на традицијата.
Доколку за Италијанците нешто е свето, тогаш тоа секако дека се пицата и пастата. Знаете и самите какви се реакциите на Италијанците кога ќе слушнат дека во другите народи тие се јадат со кечап или мајонез.
Овој рецепт којшто бил споделен на Фејсбук предизвикал мноштво реакции и тоа не баш позитивни.
Рецептот изгледа едноставен и вкусен, но еден детаљ од самиот почеток разбеснил многу од Италијанците и познавачите на оваа кујна.
Видеото започнува со ставање на неварени шпагети во огноотпорен сад, потоа се додава многу исечкан кромид. Потоа се додаваат пасирани домати, сол, бибер, оригано и многу зовриена вода.
Сето тоа се пече на 180 степени Целзиусови околу 30 минути.
На крај шпагетите се вадат од рерна и над нив се додава моцарела, пармезан, уште малку оригано и повторно се печат во рерна околу 10 минути.
Многумина биле воодушевени од овој рецепт кој е брз и лесно се прави, а изгледа и превкусно, особено кога на крајот ќе се стопи сирењето.
Меѓутоа, на Италијанците недопустливо им е неварените шпагети веднаш да ги стават во рерна.
Што мислите вие?
