Британската пејачка Дуа Липа и оваа година го честиташе Денот на независноста на Косово на својот Инстаграм профил.
Со цртеж кој што го нацртал еден од нејзините фанови напишала и честитка и уште еднаш покажа дека не го заборава своето албанско потекло.
Таа исто така потсетила и на енергијата која што ја почувствувала пред 13 години кога на телевизија во Приштина го гледала тој историски настан.
„Незаборавно. Горда сум на тоа што го постигнавме и на тоа што допрва ќе го направиме“, заклучила Дуа.
Липа во разговор за британски „Guardian“ зборувала и за своето семејство, воените настани и потеклото.
Таа кажала дека во нејзиниот дом секогаш се зборува на албански јазик, но исто така зборувала и за нејзиниот дедо, истакнат историчар кој што останал без работа затоа што не сакал да ја лажира историјата и да пишува дека Косово отсекогаш бил дел од Србија, наведува „Avaz“.
Неодамна пејачката го коментирала и босанскиот филм „Quo Vadis, Aida?“:
„Ова е многу емотивна приказна во која што се зборува за геноцидот во Сребреница. Ме натера да се расплачам и да се присетам на сите емотивни приказни кои што ги слушнав за тоа кога бев мала. Апсолутно мора да го гледате тоа, тоа е босанскиот кандидат за Оскар и Златен глобус“, напишала Дуа Липа на својот Инстаграм профил.
