Деџенерис по злоставувања на работниците, малтретирала и 11-годишно дете: „Бев беспомошно момче, што можев да кажам во моја одбрана?“

Кармин

07/08/2020

11:23

3.182

Големина на фонт

а а а

Водителката Елен Деџенерис во последните неколку седмици е во центар на скандалите затоа што многубројни продуценти ја обвинија за злоставување на работно место.

На ''водителката од пеколот'' сега ѝ се препишува уште едно обвинение - дека злоставувала 11-годишно дете и го нарекла ''дебело и глупаво'', пренесува „Mirror“.

Еден од нејзините вработени раскажал како Елен пред 40 години, пред да стане славна, уживала во тоа да се однесува лошо кон неговиот син Бен.

Тоа го потврдил и самиот Бен, кој што денес има 52 години.


Се присетил како Елен, која што тогаш работела за неговата мајка во агенција за вработување, грубо се шегувала на сметка на неговата тежина:

„Се згрозував кога по училиште мораше да се вратам во агенцијата. Елен ја критикуваше мојата тежина и мојата облека.

Ме нарекуваше глупав. Бев само мало момче, а таа тогаш беше возрасна жена која што уживаше во тоа да ме гледа загрозен“ - признал Бен.

„Мислам дека за тоа нема извинување. Бев беспомошно дете. Што можев јас тогаш да ѝ кажам во моја одбрана?“ - изјавил тој, па додал:

„Таа беше најзлобната личност која што некогаш сум ја запознал“ - заклучил.



Спонзорирани линкови

Маркетинг

назад до tocka.com.mk