Менаџерот на Манчестер Јунајтед, Оле Гунар Солскјер се обрати на прес конференција во пресрет на реванш средбата од Лига купот со Манчестер Сити.
Норвежанецот беше запрашан за проблемите кои тимот ги има со напаѓачите и при тоа посочи дека на лето клубот ќе добие едно неочекувано „засилување“.
Имено, како што стојат работите, Алексис Санчез нема да се избори за перманентен договор со Интер и ќе се врати на „Олд Трафорд“ веднаш штом неговата позајмица со „нероазурите“ заврши.
– Алексис ќе се врати следното лето и ќе ни докаже на сите дека грешиме, - кратко одговори Солскјер за формата на Чилеанецот.