Пожар избувна денеска и во гевгелиско. Како што информира Центарот за управување со кризи, активен пожар на запалени стрништа и сува трева по ниви има долж пругата од селото Мрзенци кон селото Давидово.
Во гаснењето учествуваат екипи од ТППЕ-Гевгелија со 20 пожарникари и 4 возила, а на помош во гасењето на пожарот се вклучени и ТППЕ Валандово и доброволното противпожарно друштво Дојран.
