Власта тврди дека работи на решавање на проблемот со долговите во „АД Водостопанство“

Макфакс

07/07/2019

14:37

581

Големина на фонт

а а а

Владејачкиот Социјалдемократски сојуз на Македонија во врска со доцнењето на платите во „АД Водостопанство“ вели дека Власта работи на решавање на проблемот и коментира дека лошото организациско менаџирање поставено од ВМРО-ДПМНЕ е причина за лошата состојба и долговите на АД Водостопанство.

„Наспроти игнорантскиот однос на ВМРО-ДПМНЕ кон АД Водостопанство и нивната единствена ориентација кон криминал, провизии и богатеење, СДСМ го решава наследениот проблем. Владата предводена од СДСМ заедно со надлежното министерство и надлежните институции го препозна проблемот и интензивно се работи на реорганизирање и консолидирање на АД Водостопанство, се со цел наводнувањето на површините низ цела држава да се одвива непречено. Владата предводена од СДСМ продолжува со решавање на наследените и натрупани проблеми оставени од ВМРО –ДПМНЕ и интезивно работи на подобрување на условите и можностите за работа на земјоделците и вработените во овој сектор“, велат од СДСМ.

Претходно, опозицијата побара одговорност за случајот со акционерското друштво, бидејќи платите за вработените доцнат веќе два месеци.



Спонзорирани линкови

Маркетинг