Турските медиуми ги објавиле првите транскрипти од наводните аудио-записи од последните моменти на Џамал Кашоги, пред да биде убиен во саудискиот конзулат во Истанбул на втори октомври.
"Пушти ми ја раката! Што мислиш дека правиш", се наведува во снимката од разговорот.
Кашоги наводно се сретнал со четири лица, од кои еден го фатил за рака кога влегол во конзулатот.
CCTV images printed by the Sabah newspaper purportedly show royal protection officer Maher Abdulaziz Mutreb entering the Saudi Consulate in Istanbul at 9.55am on October 2, just hours before the journalist went missing pic.twitter.com/KgZa6iEH1x
— Darlington Micah (@DarlingtonMicah) October 19, 2018
Четворката го одвела Кашоги во управната "единица Б" на конзулатот. Повеќе од три лица таму им се приклучиле, вклучувајќи го и Махер Абдулазиз Мутреб, наводно лидер на 15-члената група наречена "единица на смртта".
"Предавнику! Ќе платиш!", се слуша како вели Мутреб, наведува турскиот сајт "Haberturk".
Турските службеници заклучиле дека тоа е гласот на Мутреб, така што го споредиле со примерок од гласот кој го забележала граничната полиција на Турција во текот на неговото влегување во земјата. Истиот глас се слуша во телефонските повици во конзулатот.
Звуците од претепувањето и мачењето биле проследени од тишина која трае час и петнаесет минути. Потоа се слуша нов глас.
"Страшно е да се носи облека на човек што сме го убиле пред 20 минути", се слуша инженерот Мустафа ал-Модаини, кој во тој момент се подготвува да излезе како двојник на Кашоги.
Тој се жали дека чевлите на Кашоги се премали за него, а неговите колеги му дозволуваат да ги носи своите патики, што во голема мера го издало на властите.
Уште не се пронајдени остатоците на телото на Џамал Кашоги, новинарот на "Washington Post" и критичар на властите во Ријад.
