[ВИДЕО] Непознат добротвор става банкноти од 50 евра во поштенски сандачиња. Парите се вистински

Точка

19/11/2026

17:39

504

Големина на фонт

а а а

Во Схидам, град со 80.000 жители, сместен непосредно западно од Ротердам, неколку станари на една станбена зграда одеднаш пронашле банкноти од 50 евра во своите поштенски сандачиња.

Кој ги поделил парите и зошто, останува целосна мистерија. Дури ни полицијата нема одговор. Единствено што е сигурно е дека банкнотите се вистински.

Можеби тоа биле мали џуџиња?

За необичното изненадување прв известил локалниот холандски медиум „Omroep Twee“. Една станарка за регионалната јавна телевизија раскажала:

„Мојот син го испразни поштенското сандаче и внатре пронајде банкнота. Немаше ништо друго во него“.

На новинарското прашање кој би можел да ги дели парите, таа одговорила: „Навистина немам претстава. Можеби тоа биле мали џуџиња?“.

Според информациите на „Omroep Twee“, се јавиле и други станари кои исто така пронашле банкноти од 50 евра во своите поштенски сандачиња. Можно е бројот на оние што добиле пари да е уште поголем.

Сличен мистериозен случај се случил, според пишувањето на холандскиот портал „NL Times“, во јануари 2024 година, во блиската ротердамска населба Делфсхавен. Тогаш една жена добила неколку пликови со готовина од непознат испраќач.


Во првиот плик имало 250 евра и порака: „Во знак на благодарност за доброто што го направи за мене. Почести се со нешто или донирај ги парите во добротворни цели“.

Во вториот плик имало 600 евра, а во третиот дури 1000 евра.

Ниту примателката ниту полицијата тогаш не успеале да откријат кој стои зад мистериозните парични подароци.