Големо спојување на компаниите: Настана нова „светска сила“

Точка

19/11/2026

17:03

808

Големина на фонт

а а а

„Skydance“ ги обединува „Warner Bros“, „Television Group“ и „Paramount Television Studios“ во ново студио кое ќе започне со работа во 2027 година и под чие покровителство ќе има повеќе од 120 серии и големи ТВ франшизи.

„Skydance Corporation“ денес објави дека ќе ги спои „Warner Bros“, „Television Group“ и „Paramount Television Studios“ во една компанија, со цел создавање „продукциска сила од светска класа“ што ќе ги обедини „исклучителните таленти и ресурси“.

Новата организација ќе се вика „Warner Bros. Television Studios“ и ќе започне со работа на почетокот на 2027 година.

Новото студио ќе го предводат Метју Танел од „Paramount“ и Ченинг Данџи, претседател на „Warner Bros“, кој ќе му поднесува извештаи на Џорџ Чикс, копретседател на „Skydance“. „CBS Studios“, предводен од Дејвид Стапф, ќе продолжи да работи како посебна компанија.


Новото телевизиско студио ќе опфати повеќе од 120 активни телевизиски серии и некои од најголемите глобални франшизи во индустријата, вклучувајќи ги „Harry Potter and the Philosopher's Stone“ (HBO), „Ted Lasso“ (Apple TV), „Emily in Paris“ (Netflix) и „Landman“ (Paramount+).

„Paramount“ го заврши купувањето на „WBD“ за 110 милијарди долари

Да ве потсетиме дека компанијата „Paramount Skydance“ го заврши преземањето на компанијата „Warner Bros. Discovery - WBD“ вредна околу 110 милијарди долари (околу 94,5 милијарди евра).

Со ова се создаде нов голем глобален конгломерат за производство и дистрибуција на забавна содржина, наречен „Skydance“, објави „NBC“.

Спојувањето ги спои две големи холивудски филмски студија под ист покрив, како и стриминг платформите „HBO Max“ и „Paramount plus“, телевизиските мрежи „CBS“ и „CNN“, „CBS News“ и широко портфолио на познати филмски и телевизиски франшизи, вклучувајќи ги „Harry Potter“, „Mission: Impossible“, „Top Gun“ и „The Godfather“.


Новата компанија очекува да постигне најмалку шест милијарди долари годишни синергии во следните три години преку спојувањето.

Планирано е и обединување на стриминг услугите, додека во текот на првите две години се планирани најмалку 30 кино филмови годишно, а потоа 32 филмови годишно.

Преземањето следеше по речиси една година лицитирање за „WBD“, во кое учествуваше и „Netflix“.

Договорот беше проследен со антимонополски постапки и противење од делови од холивудската индустрија, но правните пречки беа надминати по спогодбите со американските држави и синдикатот на сценаристите.