Две жени од Скопје добија тешки изгореници за време на семејна прослава во куќа, по што беа пренесени на Ургентен центар. Полицијата истражува како се случил инцидентот.
Две жени од Скопје, на возраст од 35 и 24 години, се здобиле со тешки телесни повреди од изгореници за време на семејна прослава во куќа во Скопје.
Според информациите од МВР, случајот бил пријавен денеска, 15 ноември, по полноќ, откако повредените биле донесени во Ургентниот центар на Клиничкиот комплекс „Мајка Тереза“.
Прославата се одржувала во куќа во сопственост на мајката на едната од повредените.
Полицијата извршила увид на местото и работи на расчистување на околностите под кои настанале изгорениците. Засега не се соопштува како дошло до инцидентот.
