Јавното претпријатие Улици и патишта известува дека во недела ќе се врши замена на семафорите на крстосницата „Скупи“ и „Љубљанска“, што ќе резултира со затворање и пренасочување на сообраќајот по околната мрежа и примена на нови светлосни сигнали.
ЈП Улици и патишта Скопје, ги известува граѓаните дека во недела на 15.11.2026 година со почеток во 8 часот наутро, на крстосницата помеѓу улиците „Скупи“ и „Љубљанска“, ќе почне со демонтажа на сеmafорски портални и обични столбови и сеmafорска опрема. Овие активности ќе се реализираат согласно одобрен сообраќаен проект за измена на режим на сообраќај за воведување на нови светлосни сигнали на крстосницата.
Сообраќајот ќе биде комплетно затворен по правец и истиот целосно пренасочен по околна улична мрежа. Времениот режим ќе важи до завршување на активностите, а сообраќајот ќе се одвива со помош на соодветна сообраќајна сигнализација и опрема. На истите приоди ќе има поставено и лица од ЈП Улици и патишта за физичка регулација на сообраќајот.
Се апелира до сите учесници во сообраќајот, да бидат трпеливи и да се прилагодат на новонастанатите услови на патот, во целост почитувајќи ја поставената сообраќајна сигнализација.
