[ФОТО/ВИДЕО] Најубавите близначки на светот, внуки на принцезата Дајана, блеснаа во свечени фустани: Нивните фотографии непрекинато се споделуваат на социјалните мрежи

Наградите „Тusk“ се годишен настан што се одржува во Лондон, посветен на лидери и работници кои се залагаат за заштита на природните ресурси и наследството на Африка.

Според медиумските извештаи, настанот е од големо значење за британската круна, поточно за принцот Вилијам, бидејќи тој е еден од покровителите и иницијаторите на самиот настан.

Иако неговата сопруга, принцезата Кејт Мидлтон, не можеше да го поддржи на овој настан, внуките на покојната принцеза Дајана со задоволство „дојдоа на помош“.

Судејќи според фотографиите, како и разните објави на социјалните мрежи, може да се заклучи дека Лејди Амелија и Лејди Елиза Спенсер беа тема на настанот. Сестрите привлекоа внимание со своите модни комбинации, но и со својата природна убавина.

За оваа пригода, Амелија одлучи да носи намалена креација од модната куќа „Оскар де ла Рента“, која ја следи линијата на телото и ја истакнува нејзината заводлива фигура. Златната тоалета е украсена со реси во долниот дел, но и со пристојно деколте. Таа го заокружи изданието со минимална шминка во голи тонови и високо стилизирана пунџа.

Што се однесува до нејзината сестра, Лејди Елиза Спенсер, таа се одлучи за малку поинакво издание, но својата доверба исто така ѝ ја даде и на модната куќа „Оскар де ла Рента“. Таа избра структуриран фустан во сребрена боја кој го нагласува нејзиното тело, а се издвојува со цветни детали во горниот и долниот дел.

Исто така, не треба да го изоставиме фактот дека оваа креација е украсена со отворен грб, што му даде на ова издание женствена нота.

Лејди Елиза, исто како и нејзината сестра близначка, го заокружија изгледот со шминка во нежни, земјени тонови, но и со коси стилизирани во пунџа.