Пратеникот Борислав Крмов ја праша улогата на Мицкоски во врска со случајот Алта банка, истакнувајќи ја потребата за објаснување за неговите ингеренции како финансиски консултант и стечаен управник, во контекст на мешањето на политиката и банкарските институции.
На денешната надзорна расправа за случајот со АЛТА банка, пратеникот од Левица, Борислав Крмов, го отвори прашањето за улогата на Мицкоски во процесите поврзани со банката. Од консултациите со гувернерот пред влезот на банката на македонскиот пазар, до јавните изјави за нејзина продажба и разговорите со други банки, Крмов побара одговор врз основа на кои законски овластувања Мицкоски се вклучува во прашања што се во надлежност на регулаторните и другите надлежни органи.
„Очигледно во оваа држава веќе не ни требаат институции. Доволни сте само Вие“, посочи Крмов, проблематизирајќи го мешањето на политичката и институционалната улога во банкарскиот сектор.
