Шест компании избрани преку јавен повик ги претставуваат своите производи пред инвеститори и потенцијални партнери во Лисабон.
Хрватска првпат настапува со национален штанд на технолошката конференција Web Summit во Лисабон. Шест стартапи избрани преку јавен повик ги претставуваат своите производи пред потенцијални партнери, клиенти и инвеститори.
Од настапот на Хрватска на Web Summit во Лисабон. Фото: Министерство за правда, управа и дигитална трансформација на Хрватска
Конференцијата се одржува од 9 до 12 ноември. Заедничкиот настап го организираат хрватското Министерство за правда, управа и дигитална трансформација и Хрватската стопанска комора. Компаниите биле избрани по оценување од независни експерти на натпреварот Pitch2 Web Summit.
На штандот настапуваат Hypefy World, Hyperbunker, Legit Software, Lipa Verdia, Eulex.AI Augment и Bimtly. Нивните производи опфаќаат сајбер-заштита, управување со лични податоци, алатки за следење на европските прописи и интерактивно претставување производи во 3Д.
Министерот Дамир Хабијан рече дека настапот треба да им помогне на компаниите полесно да дојдат до меѓународни партнери и купувачи. На конференцијата хрватски претставници учествуваа и на панел за модернизација на јавните услуги со примена на нови технологии.
