Според астролошките прогнози, работите би можеле да почнат да се менуваат на подобро во средината на месецот, особено кога станува збор за односите, личните цели и самодовербата. Астрологот Џошуа Пингли за „YourTango“ издвои пет хороскопски знаци на кои ноември би можел да им донесе нов почеток.

Вага

На Вагите ноември би можел да им донесе поголема јасност и самодоверба. Како што објаснува Пингли, ретроградната Венера, нивната владејачка планета, во изминатите неколку недели ги поттикнувала да преиспитаат различни области од животот.

Кога на 13 ноември Венера повторно ќе тргне директно, Вагите би можеле да почнат да го применуваат наученото и посигурно да се движат кон своите цели.

Бик

И за Биковите завршувањето на ретроградното движење на Венера на 13 ноември би можело да донесе значаен напредок. Од почетокот на октомври, многумина ги преиспитувале своите цели, желби и љубовни односи.

„Ова е вашиот момент, вашето повторно раѓање и можност повторно да се пронајдете“, порачува Пингли. Тој ги советува да престанат да се сомневаат во сопствените одлуки и да почнат да го избираат она што навистина им одговара.

Девица

Девиците во средината на ноември би можеле повторно да ја почувствуваат менталната јасност што им недостигала. Пингли објаснува дека Меркур, нивната владејачка планета, во текот на годината бил ретрограден во водените знаци, што, според астролошкото толкување, им го отежнувало објективното размислување.

Со неговото враќање во директно движење на 13 ноември, би можеле полесно да донесуваат одлуки и појасно да го согледаат патот кон своите цели.

Близнаци

По периодот на несигурност и чувството дека стојат во место, Близнаците конечно би можеле да тргнат напред.

„Бевте многу поемотивни од вообичаено, па почесто постапувавте според чувствата отколку според логиката и разумот“, вели Пингли.

Завршувањето на ретроградното движење на Меркур на 13 ноември би можело да им помогне појасно да ја согледаат ситуацијата и да одлучат што сакаат да променат.

Шкорпија

Според Пингли, Шкорпиите ги очекува најголемиот пресврт од сите хороскопски знаци.

„Поголемиот дел од годината минувавте низ тежок период, а особено во последните неколку месеци“, истакнува астрологот.

Кога на 13 ноември Венера и Меркур ќе го завршат ретроградното движење, Шкорпиите конечно би можеле да почувствуваат олеснување и да ги видат резултатите од своето трпение и истрајност.