На Дариус Акуф му беа доволни десет натпревари за да се најде во друштво на еден од најдобрите организатори на играта во историјата на НБА. Дебитантот на Сакраменто собра 259 поени и 74 асистенции, а според лигата само Оскар Робертсон претходно стигнал до најмалку 250 поени и 70 асистенции во првите десет настапи.

Акуф ја заокружи серијата против Мајами во неделата вечер по локално време, односно во понеделникот наутро по Скопје. Во поразот на Кингс со 114:108 имаше 32 поени, десет асистенции и пет скока. Погоди 11 од 21 шут од игра и ги реализираше сите седум слободни фрлања.

Архивска фотографија од Акуф во периодот кога настапуваше за Арканзас. Фото: Inside Arkansas / CC BY 4.0

Личен подвиг во тежок почеток за Сакраменто

Робертсон ги достигна двата прага во сезоната 1960/61. Акуф, кој има 19 години, веќе четирипати постигна најмалку 30 поени, но Сакраменто има само една победа по десет натпревари.

На спротивната страна, Јанис Адетокумбо го предводеше Мајами со 29 поени и 14 скока, а Клеј Томпсон погоди седум тројки за 23 поени.