Обновени се 380 метри од улицата во делчевското село. Зафатот го финансираа Министерството за транспорт и Општина Делчево.
Во делчевското село Тработивиште заврши реконструкцијата на вториот крак од улицата „Даме Груев“. Како што пренесе „Република“, повикувајќи се на општината, обновени се 380 метри од улицата.
За работите се издвоени 2.267.776 денари со ДДВ. Министерството за транспорт обезбедило 1.134.015 денари, а остатокот е покриен од општинскиот буџет.
Најавата за реконструкцијата на улицата во Тработивиште. Фото: Дестинација Делчево
Во најавата од 2 ноември, Општина Делчево го наведе овој зафат како еден од трите инфраструктурни проекти што ги започна овој месец. Другите два се реконструкција на дел од улицата „Индустриска“ и обнова на водоводната мрежа во Старо Делчево.
