Изложбата на Петар Паунче – Скитник се отвора во 19 часот во Младинскиот центар во Охрид.
Фотоизложбата „Охрид во моето срце низ очите на татко и син“ на Петар Паунче – Скитник ќе биде отворена вечерва, 6 ноември, во 19 часот во Младинскиот центар во Охрид. Промотор ќе биде Никола Митровиќ – Бабе.
Петар Паунче – Скитник. Архивска фотографија. Фото: ОхридПрес
Организаторите ја најавуваат поставката како приказна за градот и за семејната врска што се пренесува преку фотографијата. Паунче потекнува од фотографско семејство, а Охрид и езерото се повторливи мотиви во неговата работа. Кон крајот на август беше отворена и неговата изложба „Охридското Езеро од минатото до денес“.
Вечерашното отворање е дел од програмата за одбележување на 82 години од ослободувањето на Охрид.
Извор ОхридПрес
Канео и Охридското Езеро. Архивска фотографија. Фото: Diego Delso / Wikimedia Commons, CC BY-SA 4.0
