Македонската футсал репрезентација во петок, 6 ноември, има закажан собир пред стартот на главната рунда од квалификациите за Светското првенство во 2028 година. Селекторот Газмед Хисејини повика 14 играчи, меѓу кои и голманите Антонио Петровски и Иван Стојановски.

Првиот натпревар е во Вантаа

Македонија ѝ гостува на Финска на 10 ноември од 17:30 часот по скопско време во арената „Енергија“. Шпанија веќе ја совлада Финска со 3:1 во првиот натпревар во групата. Следниот дуел на Македонија е дома против Шпанија, на 8 декември.

Архивска фотографија: македонската футсал репрезентација. Фото: Sportclub.mk

Што носи пласманот во групата

Во групата има три репрезентации и секоја игра дома и на гости со другите две. Првопласираната селекција оди директно во елитната рунда, заедно со четирите најдобри второпласирани од сите 12 групи. Другите осум второпласирани ќе играат бараж за уште четири места во следната фаза.