Јапонската железничка компанија „JR East“ почна да користи хуманоидни роботи опремени со моторни пили за отстранување гранки од дрвјата долж железничките пруги, со цел да ја подобри безбедноста на сообраќајот.
Роботите биле користени во близина на станицата Нобејама, во префектурата Нагано, на линијата Коуми, каде што требало да се отстранат гранки што растеле над пругата и можеле да го попречуваат минувањето на возовите, пренесува јапонскиот портал „SoraNews24“.
Машините се поставени на специјални возила што можат да се движат и по железнички шини и по патишта. Роботот на едната рака е опремен со фаќалка, со која може да ги придржува и поместува гранките, додека на другата има моторна пила за нивно сечење.
Компанијата „JR East“ почна да ги воведува овие роботи во својата флота за одржување во март годинава, додека компанијата „JR West“ почна да користи слични системи во 2024 година.
📣This won’t end well: in Japan, they’ve decided that a robot equipped with a chainsaw is just missing one thing—artificial intelligence.
Railway company JR East is using a massive, metallic humanoid—outfitted with a chainsaw and a claw—to trim trees along its tracks.
For now, it’s operated remotely by a human, but the plan is to eventually entrust the task to AI.
— CryptoCentral (@crypto_centrl) October 30, 2026
Досега работите за одржување на пругите главно се изведувале ноќе, меѓу последниот и првиот утрински воз, за да се избегне попречување на патничкиот сообраќај. Меѓутоа, поради сè поголемиот број вработени што бараат да работат во дневни смени, „JR East“ ја разгледува можноста работите почесто да се изведуваат во текот на денот.
Од компанијата предупредуваат дека таквата промена би можела да доведе до почести привремени прекини на сообраќајот на одредени делници во текот на редовното работно време на железницата.
