Виторија Черети одржа лекција за чист минимализам, појавувајќи се во свилена облека инспирирана од деведесеттите години.
На шестата годишна Гала на Музејот на Академијата во Лос Анџелес, сите погледи ги украде прекрасната италијанска манекенка Виторија Черети, девојка на холивудската ѕвезда Леонардо ди Каприо.
Во ерата на екстраваганција, Виторија одржа лекција за чист минимализам. Таа носеше долг бел фустан од „Армани Приве“, направен од најфин свилен сатен, кој нежно ја следеше нејзината силуета.
Мазниот материјал, елегантното деколте со врвови и рафинираниот сјај на фустанот му дадоа безвременски изглед, совршен за гламурозна вечер. Изгледот го надополни со дискретен накит и природна, малку брановидна коса.
Сепак, покрај нејзината совршена тоалета, сите забележаа дека таа прошета по црвениот тепих сосема сама.
Иако нејзината врска со ди Каприо од 2023 година привлече огромно внимание од јавноста, познатата двојка сè уште љубоморно ја чува својата приватност.
Виторија претходно нагласи колку е фрустрирачки кога медиумите ве гледаат исклучиво како „нечија девојка“, па нејзиното соло доаѓање беше свесен потег - таа сакаше рефлекторите да бидат насочени исклучиво кон нејзиниот успех и статус како врвен светски супермодел.
Се чини дека Лео ја поддржал нејзината одлука и ѝ „дозволил“ на својата подобра половина целосно да доминира во вечерта.
