Во Штип е идентификуван и санкциониран 16-годишник кој управувал мотоцикл на едно тркало, загрозувајќи ја сообраќајната безбедност. По преземање на мерки, против него ќе биде поднесена пријава.
По преземени мерки и активности, а во врска со видео објавено на 15.10.2026 на социјални мрежи, на 18.10.2026 во Штип, полициски службеници од СВР Штип го пронајдоа и извршија службен разговор со 16-годишен малолетник од штипско во присуство на негов родител, извести МВР.
„На објавеното видео се гледа како тој управува мотоцикл на едно тркало со што го загрозил безбедното одвивање на сообраќајот. Притоа, било утврдено дека тој го управувал возилото пред да се стекне со право на управување.
Известен е јавен обвинител и по целосно документирање на случајот, против малолетникот ќе биде поднесена соодветна пријава“, соопшти МВР.
