Украинскиот претседател Володимир Зеленски пристигна во Обединетото Кралство каде што беше примен од кралот Чарлс и премиерот Енди Бурнам, во услови на зголемени тензии во односите меѓу Киев и администрацијата на американскиот претседател Доналд Трамп.
Претседателот на Украина, Володимир Зеленски, пристигна во Обединетото Кралство, каде што беше примен од кралот Чарлс и премиерот Енди Бурнам. Посетата на украинскиот претседател се одвива во услови на нови тензии во односите меѓу Киев и администрацијата на американскиот претседател Доналд Трамп, пренесува „Политико“.
Зеленски на социјалната мрежа X потврди дека за време на посетата ќе се сретне со кралот и со британскиот премиер. Ова е продолжение на низата средби преку кои британскиот монарх ја демонстрира својата поддршка за украинскиот лидер. Чарлс беше домаќин на Зеленски во Сандрингем во март 2025 година, само неколку дена откако Трамп и потпретседателот Џеј-Ди Венс јавно го критикуваа украинскиот претседател.
I thank His Majesty King Charles III for the audience. It is important for me to have the opportunity to personally thank him for his unwavering support for Ukraine. We appreciate all the assistance provided by the United Kingdom.
@RoyalFamily
Pictures are by Aaron Chown from Press Association.
— Volodymyr Zelenskyy / Володимир Зеленський (@ZelenskyyUa) October 14, 2026
Тие повторно се сретнаа во замокот Виндзор претходно оваа година. Таа средба уследи по заедничката изјава на Украина, Обединетото Кралство, Франција и Германија, во која се повикува на праведен и траен договор за завршување на војната со Русија.
По пристигнувањето во Даунинг стрит попладнево, Зеленски ќе биде пречекан од почесна стража на 12-тата чета на Ирската гарда. Кабинетот на премиерот соопшти дека станува збор за пречек без преседан. Посетата се одвива во контекст на нови несогласувања околу пристапот на Трамп кон Русија и Украина. Американскиот претседател го критикуваше раководењето на Зеленски и постигна договор со Москва за укинување на санкциите за извоз на руски дизел.
Already in the UK together with my team. Today, I will have an audience with His Majesty King Charles III. There will also be an important meeting with Prime Minister Andy Burnham. We will discuss a wide range of security issues. We are preparing decisions that will strengthen us. I thank the King, the Prime Minister, and all of Britain for their support!
— Volodymyr Zelenskyy / Володимир Зеленський (@ZelenskyyUa) October 14, 2026
Ова е прва посета на украинскиот претседател на некоја европска престолнина откако Трамп ја објави таа одлука минатиот петок. Тоа е и негова втора средба со Бурнам. Британскиот премиер досега избегнуваше да го осуди американскиот претседател поради договорот со Русија.
Денес
