Општина Центар заврши асфалтирање на крак од улицата Истарска во населбата Ново Маало, со што се подобрува пристапот и безбедноста за жителите. Градоначалникот Горан Герасимовски најави продолжување на урбаниот развој во општината.
Општина Центар го заврши асфалтирањето на крак на улицата „Истарска“ во населбата Ново Маало, на површина од 378 квадратни метри. Со овој зафат се подобрува пристапот до домовите и се овозможува полесно и побезбедно движење на жителите, велат од Општината.
„Секој зафат што им го олеснува секојдневието на граѓаните е важен. Го асфалтиравме кракот на „Истарска” во Ново Маало и обезбедивме поуреден пристап до домовите на жителите. Продолжуваме да ги уредуваме улиците низ Центар, со внимание и на помалите улични краци“, порача градоначалникот Горан Герасимовски.
Општина Центар продолжува со вложувања во локалната патна инфраструктура за подобри услови за живеење во населбите, се додава во соопштението.
