Министерството за одбрана на Соединетите Американски Држави (САД) планира во живо преку интернет да го пренесува погубувањето на поранешниот мајор на американската армија, Нидал Хасан, осуден за најсмртоносниот напад надвор од борбени дејства во историјата на американските воени бази.
Планираното погубување, најавено за 3 декември, би било првото јавно пренесување на погубување во историјата на САД, а веќе предизвика остри критики и правни полемики низ целиот политички спектар.
Американскиот министер за одбрана, Пит Хегсет, изјави дека јавното прикажување на погубувањето на интернет треба да послужи како силно средство за одвраќање од идни терористички и насилни напади.
Според планот, Хасан треба да биде погубен со стрелање.
Нидал Малик Хасан е роден во 1970 година во Арлингтон, Вирџинија, во семејство на палестински имигранти.
По завршувањето на студиите по медицина, се приклучил на американската армија, каде што изградил кариера како воен психијатар. Работел во престижниот воен медицински центар „Волтер Рид“ во Вашингтон, каде што со години лекувал војници кои се враќале од боиштата во Ирак и Авганистан и страдале од посттрауматско стресно нарушување (ПТСП).
За време на работата во „Волтер Рид“, Хасан почнал да покажува знаци на радикализација и верски екстремизам, пишува „Би-би-си“.
@DonaldTrump aprobó la ejecución de Nidal Malik Hasan, exmayor del Ejército condenado por la masacre de Fort Hood en 2009, donde asesinó a 13 personas e hirió a otras 32.
La ejecución será mediante pelotón de fusilamiento y está programada para el 3 de diciembre de 2026 en Fort Hood, Texas. Hasan fue condenado a muerte en 2013 y agotó su proceso de apelaciones, incluida una negativa de revisión por parte de la Corte Suprema en 2025. De concretarse, marcará un hecho histórico: Estados Unidos no realiza una ejecución militar desde 1961.
#politica #noticias #iran #DonaldTrump #NidalHasan #FortHood
— Luces del Siglo (@lucesdelsiglo) October 8, 2026
Истрагата на ФБИ и воената разузнавачка служба подоцна открила дека Хасан бил во електронска комуникација со Анвар ал Авлаки, влијателен радикален верски проповедник и еден од водечките лидери на Ал Каеда на Арапскиот Полуостров (AQAP).
Во пресретнатите електронски пораки, Хасан барал од Авлаки верско оправдување за напади врз американскиот воен персонал.
На 5 ноември 2009 година, Хасан влегол во центарот за подготовка на војници за испраќање на боиште во воената база Форт Худ во Тексас (денес Форт Кавазос).
Вооружен со полуавтоматски пиштол, отворил оган врз невооружени војници во преполната зграда.
За само неколку минути убил 13 лица (12 војници и една бремена цивилна службеничка) и ранил повеќе од 30 луѓе.
Нападот бил запрен дури кога на местото на настанот пристигнале двајца цивилни полицајци. За време на размената на оган, Хасан бил погоден со повеќе куршуми, поради што останал трајно парализиран од половината надолу и оттогаш користи инвалидска количка.
За време на судењето пред воен суд во 2013 година, Хасан одлучил самиот да се брани. Одбил да ги оспори обвиненијата и отворено ја признал вината, тврдејќи дека со нападот сакал „да ги заштити муслиманите и талибанските борци во Авганистан од американската војска“.
Во текот на целиот судски процес не покажал никакво каење за стореното злосторство.
Воениот суд едногласно го прогласил за виновен по 13 точки од обвинението за убиство со предумисла и 32 точки за обид за убиство, по што го осудил на смртна казна.
Оттогаш, Хасан се наоѓа во воен затвор со максимално обезбедување во Форт Левенворт, Канзас, каде што го чека извршувањето на пресудата.
