Германскиот канцелар Фридрих Мерц предупредува дека Русија го загрозува мирот во Европа преку агресивна политика и ја потенцира потребата Европа да го направи НАТО „поевропски“ за да опстане и продолжи со воената соработка меѓу земјите-членки.
Германскиот канцелар Фридрих Мерц денес оцени дека Русија го загрозува мирот во Европа бидејќи, како што изјави, спроведува „насилен ревизионизам“ и одбива да седне на преговарачка маса за решавање на кризата во Украина.
За време на неговата посета на Првиот германско-холандски корпус во Минстер, тој рече дека агресијата на Русија против Украина ја започна Москва „со целосно непочитување и презир кон законот и редот“.
Според него, европската поддршка за Украина ќе продолжи и покрај заканите од Русија.
„Одбиваме да бидеме заплашени од хибридниот напад на Москва“, рече Мерц.
Тој изјави, во пресрет на средбата со генералниот секретар на НАТО, Марк Руте, и холандскиот функционер Роб Јетен, дека Европа треба да го направи НАТО „поевропски за да може да опстане“.
Тој, исто така, ја нагласи важноста на воената соработка меѓу земјите-членки на НАТО.
