Градот Скопје организира голема еколошка акција за чистење на јавните површини со учество на илјадници волонтери, општини, јавни личности и граѓани, со цел да се создаде почист и поздрав град.
Утре, 30 септември, со почеток во 10:00 часот, низ сите скопски општини ќе се одржи голема еколошка акција за чистење на јавните површини, во која ќе учествуваат неколку илјади волонтери.
Во акцијата ќе се вклучат општините и градоначалниците, амбасади, ученици, спортисти, јавни личности и голем број граѓани, со заедничка цел – почисто, поубаво и здраво Скопје.
Акцијата е замислена како почеток на континуирана иницијатива, која ќе продолжи да се организира двапати месечно, со цел грижата за јавниот простор да стане трајна навика и заедничка одговорност.
Градот Скопје ги повикува сите граѓани да се приклучат и со личен пример да придонесат за почисто и поуредно Скопје.
