[ФОТО] Жаре „Еден на еден“ по вторпат стана татко, сопругата Ивана го откри уникатното име на ќеркичката: „Љубовта во својот најубав облик“
Убави вести пристигнаа во семејството на познатиот водител Жарко Димитриоски, попознат како Жаре „Еден на еден“, и неговата сопруга Ивана. Парот повторно се оствари во улогата на родители, а овојпат нивното семејство стана побогато за уште една ќеркичка.
Радосната вест ја сподели гордата мајка Ивана, која на социјалните мрежи објави фотографии од најубавиот момент, откривајќи дека на свет пристигнала нивната втора ќерка.
„Љубовта во својот најубав облик. Саша Димитриоска“, напиша Ивана, откривајќи го и името на новиот најмал член во семејството.
По објавата, следуваа бројни честитки и убави желби од нивните блиски, кои со радост ја дочекаа приновата. Од споделените фотографии се гледа дека семејството слави уште еден посебен и емотивен момент.
За Жаре и Ивана ова е второ родителско искуство. Во 2024 година за првпат станаа родители, кога ја добија својата ќеркичка Ника. Таа сега ја доби најубавата улога – да стане поголема сестра.
Ивана уште во април годинава на својот Инстаграм профил ја сподели среќната вест дека семејството очекува нов член. Таа објави неколку фотографии на кои го покажа трудничкото стомаче, а со нивната објава стана јасно дека малата Ника наскоро ќе добие сестричка.
По неколку месеци исчекување, семејството конечно го дочека најубавиот момент – раѓањето на малата Саша.
Сега Жаре и Ивана имаат уште една причина за радост, а нивниот дом е исполнет со уште повеќе детска смеа, љубов и најубави семејни моменти.
