Врховниот суд ги укина пресудите на Основниот кривичен суд Скопје и на Апелациониот суд Скопје за Стевчо Јакимовски и го врати предметот на повторно постапување и одлучување пред првостепениот суд.
Како што соопшти судот, Советот за казниви дела на седницата одржана на 9 септември 2026 година го уважил барањето на осудениот Јакимовски за вонредно преиспитување на правосилната пресуда, поднесено преку неговиот бранител Виктор Цветковски, адвокат од Куманово.
Со пресудата КВП КОК2-18/26, Врховниот суд ја укинал пресудата на Основниот кривичен суд Скопје КОК-157/21 од 23 април 2025 година, како и пресудата на Апелациониот суд Скопје КОКЖ-110/25 од 15 мај 2026 година.
Предметот е вратен на првостепениот суд на повторно постапување и одлучување.
