Актерката Кејт Хадсон се сврши со Дени Фуџикава во септември 2021 година, но според нејзините неодамнешни изјави, воопшто не ѝ се брза да се омажи.
Таа во поткастот „Sibling Revelry“ откри разбирливи причини зошто не сака да се омажи.
Имено, ѕвездата на филмот „Како да изгубиш момче за 10 дена“ рекла дека таа и нејзиниот свршеник не можат да се договорат околу списокот на гости поради нејзиното „огромно“ семејство.
„Сè уште не сум мажена. Само сум свршена. И постојано размислувам за свадбата, знаете, во стилот: „Што ќе правиме?“ објасни таа и додаде:
„А потоа, секогаш кога ќе почнеме да размислуваме кого треба да поканиме, Дени вели: „Сакам само мала свадба“, а јас му велам: „Само нашето семејство брои 50 луѓе“. Имаме навистина огромно семејство. Има милион деца, милион чичковци, тетки и братучеди“.
Актерката со Дени Фуџикава во октомври 2018 година ја доби ќерката Рани Роуз, а сега се пошегува дека високите трошоци за свадба ја одвратиле од идејата навистина да застане пред олтар.
„Тоа е дел од причината зошто не сакам да се омажам. Си велам: „Премногу е скапо“. Сакам само некакви предјадења. Сакам, на пример, чипс и салса“, додаде Хадсон.
Таа претходно споменала дека нејзината свадба ќе биде голема авантура.
Меѓутоа, за време на гостувањето во емисијата „Шоуто на Дру Баримор“ во март 2025 година, признала дека можеби никогаш нема да се омажи за Фуџикава, бидејќи ѝ се допаѓа идејата „засекогаш да остане свршена“.
„Договорот е тешка тема за мене. Ја сакам својата слобода. Ми се допаѓа концептот на слобода“, изјавила тогаш актерката.
Потсетуваме, Хадсон најпрво беше во брак со Крис Робинсон, со кого го има синот Рајдер (22). Двајцата беа во брак од 2000 до 2007 година.
Таа го има и синот Бингам (14) со поранешниот свршеник Мет Белами, со кого беше свршена од 2011 до 2014 година.
