[ФОТО] Славната актерка се повлече од јавноста пред 40 години: Погледнете како изгледа денес
Актерката Сузан Сент Џејмс, ѕвездата на серијата „Кејт и Али“ (Kate & Allie) неодамна наполни 80 години, а роденденот го прослави во својот дом во Лос Анџелес. Иако долго време не беше видена во јавност, прославата на роденденот била причината за нејзиното повторно појавување, а фотографиите ги објави „Пејџ Сикс“.
Таа била облечена во летен комплет – бела кошула и здолниште со цветни детали, а и фризурата ја приспособила на тој стил. Била фотографирана пред својата куќа, а нејзиниот изглед многумина изненади, со оглед на повеќедецениската пауза од јавното појавување.
Роденденот го прославила со членовите на семејството и пријателите.
Џејмс ја напушти глумата во четириесеттите години за да се посвети на семејниот живот – на сопругот и децата. Сепак, во 2004 година доживеа голема трагедија, кога го загуби синот во авионска несреќа. Во приватниот авион биле нејзиниот сопруг со двата сина и екипажот, но четиринаесетгодишниот Теди не ја преживеа несреќата, додека неговиот брат и татко преживеаја со сериозни повреди.
„Тешко е, бидејќи околностите можат многу да те забават, бидејќи си зафатен обидувајќи се да го оправдаш ова. Но, морав да најдам начин да живеам со тоа. Мислам, како да живеам со тоа?“, своевремено изјавила актерката.
„Мора да најдеш начин да го прифатиш, тоа да биде твое, а не да шеташ наоколу и да се преправаш дека не се случило“, рекла таа, додавајќи дека оживеала благодарение на нејзините внуци.
