Општина Бутел започна опсежна акција за чистење и одржување на атмосферската и фекалната канализациона мрежа со цел подобрување на функционалноста и заштита на животната средина.
Општина Бутел спроведува голема акција за чистење и одржување на атмосферската и фекалната канализациона мрежа на својата територија.
Градоначалникот Дарко Костовски и директорот на ЈП „Водовод и канализација – Скопје“, Иван Митровски, извршија увид во заедничките активности на општината и претпријатието за чистење и одржување на канализационата мрежа.
Од Општина Бутел информираат дека редовното и темелно чистење ќе продолжи во наредните денови, во сите населени места на територијата на општината.
Целта на активностите е да се подобри функционалноста на канализациониот систем, да се спречат застои и да се придонесе за почиста и поздрава животна средина за граѓаните.
