Лекарите истакнуваат дека раниот внес на течности придонесува за поефикасна работа на метаболизмот, додека дури и благата дехидратација може да ги забави клеточните процеси и да го намали производството на енергија.

Експертите по гастроентерологија за „Eating Well“ истакнале дека топлите, благи напитоци, како билниот чај, постепено го будат гастроинтестиналниот тракт, ја поттикнуваат цревната подвижност и даваат благ поттик на метаболизмот.

Зошто утрото да го започнете со топол билен чај?

За здрав почеток на денот не се потребни скапи еликсири – едноставните навики често даваат најдобри резултати.

Нежно будење на дигестивниот систем: Клучниот елемент на овој напиток е топлата вода. Топлата течност го опушта желудникот и тенкото црево и ја стимулира перисталтиката – природните брановидни мускулни контракции на цревата. Исто така, го поттикнува лачењето на плунката и дигестивните ензими.

Поддршка на цревната подвижност (мотилитетот): За разлика од студената вода, која може да предизвика грчење на мускулите и да го забави варењето, топлиот чај ги опушта мазните мускули на желудникот и го олеснува минувањето на храната низ дигестивниот тракт.

Надополнување на течностите по спиењето: Во текот на ноќта телото губи течности преку дишењето и метаболичките процеси. Првата чаша топол напиток ја враќа оптималната хидратација без оптоварување на организмот.

Ублажување на непријатноста во стомакот: Лицата кои наутро чувствуваат блага мачнина или не можат веднаш да јадат цврста храна, во билните чаеви, како чајот од ѓумбир, нане или камилица, наоѓаат природно олеснување.

Алтернативни утрински напитоци

Доколку билниот чај не е вашиот прв избор, гастроентеролозите предлагаат други, подеднакво корисни опции:

• топла вода со лимон – покрај придобивките од топлата вода, додавањето лимон обезбедува блага киселост која го поттикнува лачењето на желудочните сокови и го подготвува желудникот за првиот оброк.

• обична вода – наједноставниот, но често занемарен избор. Самата вода го подобрува мотилитетот и воспоставува редовно варење.

• протеинско смути – за оние кои се будат гладни и жедни, смутито нуди хидратација и хранливи материи. Додавањето протеини го стабилизира нивото на шеќер во крвта и спречува нагли падови на енергијата.