Шпанскиот олимписки скејтбордер Дани Леон привлече огромно внимание од светската јавност со спектакуларен трик што го изведе токму во моментот на целосното затемнување на Сонцето во Шпанија. Снимката од неговиот потфат, во кој скокот со скејтборд совршено го усогласи со минувањето на Месечината пред Сончевиот диск, набрзо стана вирален хит на социјалните мрежи.
Леон ја сподели снимката од импресивниот скок на своите официјални профили, опишувајќи го моментот како „потегот на својот живот“. Визуелно атрактивната сцена, во која неговата силуета во воздухот се појавува пред овој редок астрономски феномен, предизвика лавина позитивни реакции.
За да се добие толку прецизен кадар, било потребно детално и беспрекорно планирање. Бидејќи клучните моменти од затемнувањето траат исклучително кратко, просторот за грешка бил минимален, па успехот зависел и од совршената координација меѓу спортистот и фотографско-снимателскиот тим.
This skateboard trick may never be eclipsed.
— Brick Suit (@Brick_Suit) August 13, 2026
Danny León, a Spanish Olympic skateboarder, set up this shot and landed it during today's eclipse in Spain.
Perfect planning! pic.twitter.com/D6A6JQAFWj
Повеќе од пет милиони лајкови
Снимката со молскавична брзина се прошири на интернет и за кратко време собра повеќе од пет милиони лајкови и илјадници споделувања. Многу корисници истакнаа дека станува збор за еден од најкреативните и визуелно најимпресивните скејтерски трикови што некогаш биле снимени со камера.
Дани Леон, инаку, е еден од најпознатите шпански претставници во скејтбординг дисциплините и олимпиец со настапи на најголемите светски натпреварувања.
