Морковот им дава природна сладост и прекрасна портокалова боја, додека портокалот и лимонот внесуваат освежителна цитрусна нота. Топчињата се меки, мирисливи и потсетуваат на желе бонбони, а можат да се чуваат неколку дена во фрижидер или да се замрзнат.

Состојки:

✅300 г исчистен морков

✅2 лажици мед

✅80 г еритритол

✅1/2 лажичка екстракт од ванила или 1 кесичка ванилин арома без шеќер

✅Сок од 1 среден портокал

✅Сок од 1/2 лимон

✅1/2 лажичка рендана кора од непрскан портокал

✅За валкање (по желба): кокосово брашно (кокосови трошки)

Подготовка

Чекор 1: Подгответе ги состојките

Излупете го морковот и ситно изрендајте го. Измијте го портокалот, изрендајте малку од кората, а потоа исцедете го сокот од портокалот и од половина лимон.

Чекор 2: Сварете ја смесата

Во тенџере ставете ги соковите, додајте ги еритритолот, ванилата и ренданата кора од портокал. Загрејте кратко, а потоа вмешајте го ренданиот морков и варете на тивок оган 35 – 40 минути, со често мешање, додека смесата да стане густа.

Чекор 3: Додајте го медот и обликувајте ги топчињата

Тргнете го тенџерето од оган и оставете ја смесата малку да се излади. Потоа вмешајте го медот, а кога целосно ќе се олади, со навлажнети раце обликувајте топчиња со големина на орев.

По желба, топчињата валкајте ги во кокосови трошки, мелени ореви или мелени бадеми, а потоа ставете ги во фрижидер најмалку еден час за да се стегнат. Послужете ги добро изладени.