Градоначалникот на Општина Чаир, Изет Меџити, одржа работна средба со Универзитетот „Мајка Тереза“ за да ги договори чекорите за соработка во рамки на платформата „Чаир во ритамот на здравјето“. Првиот проект е Летната школа за пливање за деца од 5 до 10 години, која ќе биде бесплатна и ќе ја водат професори од факултетот. Средбата исто така ја опфати и идната соработка во области како здравството, спортот и образованието, како и изградбата на нов универзитетски кампус.
Градоначалникот на Општина Чаир, Изет Меџити, одржа работна средба со делегација на Универзитетот „Мајка Тереза“, на која беа договорени следните чекори за соработка во рамки на платформата „Чаир во ритамот на здравјето“.
Првиот резултат од оваа соработка е организирањето на Летната школа за пливање, наменета за деца на возраст од 5 до 10 години. Наставата ќе биде бесплатна и ќе се одржува на базенот во Чаир, под водство на професори и асистенти од Факултетот за физичка култура при Универзитетот „Мајка Тереза“.
На средбата беше разговарано и за проширување на соработката со нови проекти од областа на здравството, спортот и образованието, како и за текот на работите за изградба на новиот кампус на Универзитетот „Мајка Тереза“.
„Инвестирањето во здравјето на децата и партнерството со образовните институции остануваат меѓу нашите приоритети. Преку оваа соработка создаваме нови можности за младите и реализираме проекти што директно придонесуваат за нивната благосостојба и иднина,“ изјави Меџити.
