Во Карпош беше пријавен пожар во кој беше опожарено едно возило, а огнот зафати уште две други возила и деловен објект. Пожарот е изгаснат од противпожарната бригада, а полицијата спроведува увид и работи на расчистување на случајот.
На 13.07.2026 околу 02:50 часот во СВР Скопје е пријавено дека во Скопје, на територија на Карпош, било опожарено патничко возило „пасат“ со скопски регистарски ознаки, сопственост на Ѓ.Р..
Од пожарот биле оштетени и патничко возило „фолксваген туран“, сопственост на Д.М., патничко возило „сангјонг“, сопственост на С.С. и деловен објект, сопственост на Г.Л..
Огнот бил изгаснат од екипа на Бригадата за противпожарна заштита Скопје.
Полицијата соопшти дека е извршен увид од СВР Скопје и се преземаат мерки за расчистување на случајот.
