СДСМ преку соопштение ја критикува платформата ЗНАМ 2.0, обвинувајќи дека таа е создадена за ослабување на партијата одвнатре и дека се обидува да ја пренасочи јавната дебата кон внатрешни прашања на партијата, зад нарушување на внатрепартиската демократија.
СДСМ преку соопштение обвини дека, според нив, „ЗНАМ 2.0“ не е создадена за јавна дебата, туку со цел да ја ослаби партијата одвнатре.
Од партијата велат дека изјавите на Игор Ивановски – Шема потврдиле дека платформата не била наменета за разговори за иднината на државата, туку за уривање на СДСМ.
„Откако му пропадна ЗНАМ, сега Мицкоски со препакуван проект се обидува да го слабее СДСМ и јавната дебата, наместо за криминалот на власта, да ја пренасочи кон внатрешните прашања на СДСМ“, наведуваат од партијата.
Според СДСМ, „ЗНАМ 2.0“ се залага за укинување на директниот избор на партиското раководство од страна на членството, што, како што велат, претставува напад врз внатрепартиската демократија.
„Им пречи демократијата во СДСМ, па бараат да се укине највисокиот демократски чин – правото на членовите непосредно да го избираат своето раководство. Тие би сакале тоа да се прави зад затворени врати“, стои во реакцијата.
Од СДСМ додаваат дека обидите за слабеење на партијата нема да успеат и дека, како што наведуваат, ќе им се спротивстават на „сите сателити на Мицкоски и неговата криминална организирана група“.
