Курасао успеа да обезбеди реми против Еквадор и испиша историја со својот прв мундијалски бод, а најголемите заслуги за ваквиот резултат одат на сметка на голманот Илој Рум.
37-годишниот Рум буквално ја „спушти ролетната“ на дуелот со јужноамериканскиот ривал и го заврши натпреварот со 15 одбрани, со кои испиша уште една страница во книгата на мундијалски рекорди.
Eloy Room produced a legendary performance to help Curaçao secure their first ever World Cup point, setting the record of the most saves in 90mins World Cup match.
— Fondre (@UTDFondree) June 21, 2026
15SAVES. ONE CLEAN SHEET. HISTORY MADE.🇨🇼pic.twitter.com/PKdFCoIh9M
Според официјалната статистика, 15-те одбрани на Рум се најголем број на реализирани одбрани на натпревар на СП на кој не се играло продолжение, а според ОПТА тоа е израмнување и на ефектот на Тим Хауард од натпреварот меѓу САД и Белгија од 2014 година, кога имаше дополнителни триесет минути.
ФИФА официјално на тој натпревар му припиша 16 одбрани на Хауард, но ОПТА и ЕСПН Статс тврдат дека имал 15, затоа што еден од одбранетите удари не бил коректно протолкуван.
