Сладоледните колачи конечно ни се вратија како задолжителна закуска и ги пречекуваме со голема радост! Лесни се и брзи за подготовка, и се вистински рај за непцето бидејќи обично се прават од овошје и сладолед од ванила, па затоа се фантастично освежување во топлите денови.

Рецептот што ви го претставуваме денес е многу едноставен, а неговата главна ѕвезда се бобинките, а можете да користите јагоди, боровинки, малини, капини, аронија... Или мешавина од црвено овошје!

Состојки:

200 г чоколаден бисквит по ваш избор;
2 л сладолед од ванила;
250 г бобинки по ваш избор (можна е и мешавина од овошје) + повеќе за декорација.

Подготовка

Обложете калап за торта со проѕирна фолија. За овие мерки ќе ви треба калап со дијаметар од 20 см.

Одделете неколку лажици сладолед од ванила во сад, па оставете малку да омекнат.

Сомелете ги бисквитите во блендер или ставете ги во кеса, па добро издробете ги со сукало. Потоа ставете ги бисквитите во сладоледот што стоел на собна температура, па добро измешајте и притиснете сè во дното на калапот за торта за да добиете лесна кора, па ставете го во замрзнувач.

Оставете го остатокот од сладоледот малку да се стопи и омекне, потоа измешајте го овошјето во него (цело, исечкано или мелено, што и да ви се допаѓа најмногу!), а потоа нанесете ја смесата врз кората.

По желба, декорирајте со преостанатите бобинки, покријте со проѕирна фолија и оставете го да отстои во замрзнувач најмалку три часа, идеално преку ноќ.

На здравје!