Американскиот државен секретар Марко Рубио истакнува дека САД го очекуваат Кина да преземе улога во вршење притисок врз Иран за промени во неговите активности во Заливот, додека разговорите меѓу Вашингтон и Техеран за можно решение се сѐ уште во тек.
САД се надеваат дека ќе ја убедат Кина да преземе поактивна улога и да изврши притисок врз Иран да ги промени своите постапки во Заливот, изјави американскиот државен секретар Марко Рубио. Изјавата на Рубио дојде пред официјалното патување на американскиот претседател Доналд Трамп во Пекинг, а беше објавена во интервју за „Фокс њуз“ емитувано во среда, објави Ројтерс.
Државниот секретар на САД го изрази својот став во интервју со водителот Шон Ханити. Иако не прецизираше точно каква улога треба да игра Кина, неговата изјава сугерира дека Вашингтон го гледа Пекинг како партнер што може да влијае врз Техеран да ги напушти своите тековни активности во регионот.
Изјавата на Рубио доаѓа во време кога Вашингтон и Техеран продолжуваат со разговорите за можен договор, иако американскиот претседател Доналд Трамп тврди дека најновиот ирански предлог е „неприфатлив“. Сепак, американскиот потпретседател Џ.Д. Венс рече дека верува оти се постигнува напредок во преговорите.
„Мислам дека напредуваме. Фундаменталното прашање е, дали напредуваме доволно за да ја исполниме црвената линија на претседателот?“, им рече Венс на новинарите во Белата куќа. Тој додаде дека администрацијата на Трамп сака да се осигури дека Иран „никогаш нема да добие нуклеарно оружје“.
