Некогашната најдобра тенисерка во светот наводно има ново момче, а српскиот „Курир“ пишува дека станува збор за „странец, успешен во својата работа, но далеку од медиумското внимание“, што значи дека не е јавна личност.

Споменатиот весник додаде дека Ивановиќ го запознала новиот партнер во момент кога ѝ била „најпотребна стабилност“.

„Таа сега избира мир без сензационализам. По сè што помина, сфати колку ѝ значи приватноста, особено во емотивна смисла. Овојпат не сака да ја дели својата среќа со целиот свет, барем не додека не биде сигурна дека тоа е тоа“, рекол извор за „Курир“.

„Најблиските пријатели се упатени во нејзината нова љубовна приказна, но внимателно ја чуваат за себе“, додал тој.

Со оглед на тоа што својата приватност ја чува далеку од медиумите, не треба да се очекува Ана наскоро да го покаже наводниот партнер.

Бастијан Швајнштајгер одамна не ја крие новата љубов

Потсетуваме, Ана и Бастијан беа заедно од 2014 година, а две години подоцна го изговорија судбоносното „да“ на романтична венчавка во Венеција. Важеа за еден од најскладните спортски парови, а за време на заедничкиот живот добија три деца.

Меѓутоа, медиумите во текот на 2025 година објавија дека Швајнштајгерови се разделуваат. Првите навестувања за проблеми се појавија во јуни, кога германските медиуми објавија дека Швајнштајгер наводно има нова девојка, а се шпекулира дека таа врска започнала уште во текот на летото 2024 година.

Набрзо се дозна дека станува збор за Бугарката Силва Капетанов, со која поранешниот фудбалер подоцна бил виден на одмор во Грција.

Без оглед на сѐ, српската тенисерка продолжила понатаму со тројцата синови што ги доби во бракот со фудбалерот — Лука, Леон и Тео — а посветена е и на својот приватен бизнис.