Токму една таква намирница се враќа на голема врата – лесна е, заситува, брзо се подготвува и е одличен избор за почеток на денот.

Станува збор за палента, оброк кој се прави од пченкарен гриз и кој многумина го паметат од детството. Освен што обезбедува енергија и долго го држи чувството на ситост, палентата е одлична за варење и не го оптоварува желудникот, поради што многумина ја избираат како поздрава замена за пецива и брза храна.

Посебна предност на палента е тоа што не содржи глутен, па им одговара на луѓе кои имаат интолеранција на глутен или сакаат полесна исхрана. Покрај тоа, многу е прилагодлива – може да се јаде солена или слатка, со сирење, јогурт, кајмак, семки или зеленчук.

Зошто палентата е добра за организмот?

Пченкарниот гриз е богат со минерали важни за организмот, како магнезиум, фосфор, цинк, калиум и селен. Содржи и природни каротеноиди кои позитивно влијаат на варењето и работата на цревата.

Затоа многумина истакнуваат дека редовната консумација на палента може да придонесе за подобар метаболизам и чувство на леснотија по оброкот. Покрај тоа, има релативно малку калории, па често е дел од менито на луѓе кои сакаат да внимаваат на исхраната.

Подготовка на палента

За подготовка на една порција ви е потребно:

• 2 дл вода;

• прстофат сол;

• 1 лажица маст или масло;

• 2 до 2,5 лажици палента.

Кога водата ќе зоврие, додадете сол и маснотија, па тргнете го садот од рингла. Сипете ја палентата со постојано мешање и варете уште 2–3 минути на тивок оган. По желба можете да додадете сирење, кајмак, јогурт, ленено семе, семки од сончоглед или малку ајвар.

Многумина советуваат палентата да се вклучи во менито барем еднаш неделно, бидејќи претставува едноставен, хранлив и лесен оброк кој му годи на организмот и лесно се вклопува во секојдневната исхрана.