Автобус со патници денеска паднал во река во Франција, а според француските медиуми, возачот и патниците се спасени.
Автобусот излетал во реката Сена во близина на местото Живизи-сур-Орж, пренесува „Паризјен“.
Според информациите, во возилото во моментот на несреќата се наоѓале четири лица, а возачот направил грешка при управувањето, по што автобусот завршил во реката и повлекол со себе и еден паркиран автомобил.
Le véhicule, conduit par une apprentie en formation, a chuté au niveau de Juvisy-sur-Orge. Le conducteur et les passagers ont été secourus. pic.twitter.com/wWAll2o7ol
— Le Figaro (@Le_Figaro) April 30, 2026
Засега нема информации за жртви, а возачот и патниците биле спасени благодарение на брзата реакција на минувачите кои први им притрчале на помош.
„Фигаро“ јавува дека речната бригада и пожарникарите сè уште се распоредени на местото на несреќата, додека два чамци патролираат по водата за да се осигура дека нема други лица кои треба да бидат спасени.
Француските медиуми првично објавија дека автобусот паднал од мост, но подоцна фотографиите покажале дека возилото влегло во реката од улица, при што целиот автобус завршил под вода.
Градоначалничката на Живизи, Ламија Бенсарса Реда, изјави дека е „запрепастена“ од несреќата.
