Украинските сили нападнаа две руски нафтени платформи во Каспиското Море во ноќта четврток кон петок, кои се користат за снабдување на војската со гориво. Нападите се случија на речиси 1.000 километри од линијата на фронтот, објави „Киев пост“.
Според Серхиј Брачук, портпарол на Украинската доброволна армија, погодени биле стационарните платформи отпорни на лед LSP-1 и LSP-2. Тие се наоѓаат на нафтените полиња „Јуриј Корчагин“ и „В. Грејфер“ во северниот дел на Каспиското Море. Со оглед на нивната оддалеченост од линијата на фронтот, употребеното оружје мора да поминало низ трети земји или да било лансирано од неоткриени прекморски бази.
Ukrainian kamikaze drones hit Russia’s Rakushnoye and Yuri Korchagin drilling platforms in the Caspian Sea, over 1,000 km from the front line.
— Clash Report (@clashreport) April 10, 2026
The drones were guided via Starlink.
Despite light air-defense systems on the platforms, the attack was not repelled. pic.twitter.com/yrgCNkTjsv
Брачук рече дека нападите биле насочени кон енергетската инфраструктура што ги поддржува воените напори на Москва. Украинските власти потврдија дека објектите играат клучна улога во снабдувањето на руските сили со гориво.
