Блогерите за патување од Инстаграм профилот „Lovci na putovanja“ го споделија своето изненадување од цените во Виетнам, каде што цигарите во просек чинат 1 евро, флашираната вода чини помалку од 20 центи, а за лежалка на плажа треба да издвоите помалку од две евра.
Профилот редовно споделува интересни приказни од различни дестинации низ целиот свет, а неодамна сподели детали од нивното патување во Виетнам.
Имено,на Инстаграм приказни блогерите ги објавија просечните цени во маркетите што особено ги изненадиле.
„Како што знаете, на патување сме во Виетнам и навистина е шокантно колку е сè евтино овде. Еве неколку примери“, напишаа тие, споделувајќи фотографија од различни видови цигари, од кои повеќето чинат 1 евро и помалку.
Флаширана вода од 0,5 литри чини 0,16 евра, додека најпопуларните газирани пијалаци се продаваат за 0,27 евра.
Валутата што се користи во оваа земја е виетнамскиот донг, а 499 донга се еднакви на 1 денар.
За јадење во ресторан, блогерите потрошиле 1,8 евра, а во просек оброк во ресторан чини помеѓу 2 и 5 евра.
Споделувајќи фотографија од ценовник на плажа, може да се види дека лежалка и пешкир чинат 1,32 евра, додека пијалаците на плажа најчесто чинат 0,66 евра.
Тие го посетиле градот Да Нанг, кој се нарекува најживописен град во Виетнам. Се наоѓа во централниот дел од земјата, на брегот на Јужното Кинеско Море. Градот е чист, добро организиран и потивок од повеќето големи градови. Познат е по своите широки улици и модерна инфраструктура.
Препознатлив е по Мај Ке – долга песочна плажа, која често се рангира меѓу најубавите во Азија.
