Портпаролот на иранскиот претседател Масуд Пезешкијан оцени дека изјавите на американскиот претседател Доналд Трамп за Иран се „луди“.
Портпаролот Елиас Хазрати изјави за иранската државна телевизија дека изјавите на Трамп „го зајакнаа интегритетот на иранската нација“.
„Трамп се вмеша во луди изјави“, рече портпаролот на иранскиот претседател.
„Иран денес силно го контролира Ормускиот теснец“, додаде тој.
Реагирајќи на говорот на американскиот претседател, портпаролот на иранската армија рече дека Техеран има скриени залихи на оружје и муниција.
„Центрите за кои мислите дека сте ги таргетирале се незначителни, а нашето стратешко воено производство се одвива на локации за кои немате знаење и никогаш нема да стигнете“, рече Ебрахим Золфагари, портпарол на воениот штаб на Иран, пренесуваат светските медиуми.
Доналд Трамп рече дека американските сили ќе продолжат да го напаѓаат Иран „многу силно“ во следните две или три недели и дека ќе ја „вратат земјата во камено доба“.
