Звездана Стојаковиќ во емисијата „Утро за сите“ на ТВ БХРТ привлече внимание со несекојдневното модно издание.
Водителката во живо во програмата претстави фустан што го краси необичен детаљ – поточно, знамето на Босна и Херцеговина.
Причината за ваквиот начин на облекување на оваа симпатична водителка е синоќешната победа на фудбалската репрезентација на Босна и Херцеговина против Италија на „Билино Поље“, со што тимот обезбеди пласман на Светското првенство 2026.
Според зборовите на Стојаковиќ, знамето го добила од колега кој бил во автобусот со репрезентативците на БиХ.
— Likeaboss (@Instastory88) April 1, 2026
„Фудбалерите на Босна и Херцеговина обезбедија пласман на Мундијалот. Одиме на Светско! Добро утро и мило ми е што бевте со програмата на БХРТ. Какви само моменти имаше, какви емоции, пенали и еуфорија на Билино Поље, славје во градовите низ БиХ и песна од автобусот, а кога веќе го споменуваме автобусот, ќе кажам само дека ова е знамето од автобусот на нашите играчи, кое утрово ми го даде колегата Аднан Демиќ“, рекла водителката.
